ಜನರಲ್ಲಿ ಬೀದಿ ನಾಯಿಗಳ ಭೀತಿ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಮೊದಲು ಬೆಂಗಳೂರು ಮಾತ್ರವೇ ಇದರಿಂದ ಸಮಸ್ಯೆ ಎದುರಿಸುತ್ತಿತ್ತು, ಈಗ ಈ ಆತಂಕ ಪಕ್ಕದ ತುಮಕೂರಿಗೆ ಕೂಡ ಹರಡಿದೆ. ರಾತ್ರಿ ಮಾತ್ರವಲ್ಲ, ಬೆಳಿಗ್ಗೆ ಹೊರಗಡೆ ಬರುವುದು ಕೂಡ ಭಯಕಾರಿಯಾಗಿದೆ.
ಕೋರ್ಟ್ ಆವರಣದಲ್ಲಿ ನಡೆದ ನೈಜ ಘಟನೆ ಗಮನಾರ್ಹವಾಗಿದೆ. ಬೀದಿ ನಾಯಿಯೊಂದು ಮಹಿಳೆಯೊಬ್ಬರ ಮೇಲೆ ದಾಳಿ ಮಾಡಿ, ಮುಖವನ್ನು ಬಲವಾಗಿ ಕಚ್ಚಿ ಗಾಯಗೊಳಿಸಿದೆ. ಅವರು ಈಗ ಆಸ್ಪತ್ರೆಗೆ ದಾಖಲಾಗಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸ್ಥಳೀಯರು ತಕ್ಷಣ ಕಾರ್ಯಾಚರಣೆ ನಡೆಸಿ ಆ ನಾಯಿಯನ್ನು ಹೊಡೆದು ಕೊಂದಿದ್ದಾರೆ, ಘಟನೆ ಸ್ಥಳದಲ್ಲಿ ಭಯಭೀತಿಯ ವಾತಾವರಣ ಉಂಟುಮಾಡಿದೆ.
ಶನಿವಾರ ಗುಬ್ಬಿ ಕೋರ್ಟ್ ಆವರಣದಲ್ಲಿ ಮಹಿಳೆಯೊಬ್ಬರ ಮೇಲೆ ಬೀದಿ ನಾಯಿಯೊಂದು ದಾಳಿ ಮಾಡಿ, ಮುಖಕ್ಕೆ ಗಾಯ ಮಾಡಿದೆ. ಗಂಭೀರ ಗಾಯಗೊಂಡ ಅವರು ಸದ್ಯ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ತಿಪಟೂರು ತಾಲ್ಲೂಕಿನ ಬೀರಸಂದ್ರ ನಿವಾಸಿ ಗಂಗಾಭವಾನಿ ಈ ದಾಳಿಗೊಳಗಾದವರು.
ಗಂಗಾಭವಾನಿ ಗಾರೆ ಕೆಲಸ ಮಾಡುತ್ತಿದ್ದ ಮಹಿಳೆ. ಕಳೆದ ಒಂದುವರೆ ವರ್ಷದ ಹಿಂದೆ ಅವರು ವಿವಾಹಿತರಾಗಿದ್ದು, ನಂತರ ಸಂಸಾರದಲ್ಲಿ ಗೊಂದಲಗಳು ಹುಟ್ಟಿದಂತೆ. ಇದರಿಂದಾಗಿ ಕೋರ್ಟ್ನಲ್ಲಿ ವಿಚ್ಛೇದನ ಅರ್ಜಿ ಸಲ್ಲಿಸಿದ್ದರು. ಅದಕ್ಕಾಗಿ ಗಂಗಾಭವಾನಿಗೆ ನೋಟಿಸ್ ಬಂದಿತ್ತು.
ನೋಟಿಸ್ಗೆ ಪ್ರತಿಕ್ರಿಯೆಯಾಗಿಯೇ, ಗಂಗಾಭವಾನಿ ಸಹೋದರ ಲಿಖಿತ್ ಅವರ ಜೊತೆಗೆ ಕೋರ್ಟ್ಗೆ ಮೊಟ್ಟಮೊದಲ ಬಾರಿಗೆ ಬಂದಿದ್ದರು. ವಕೀಲರಿಗೆ ಮಾಹಿತಿ ನೀಡಿ ಶೌಚಾಲಯಕ್ಕೆ ಹೋದ ಕೆಲವೇ ನಿಮಿಷಗಳಲ್ಲಿ, ಅಲ್ಲೇ ಇರುವ ಬೀದಿ ನಾಯಿಯೊಂದು ಅವರ ಮೇಲೆ ದಾಳಿ ನಡೆಸಿತು. ಸಹೋದರ ಕೂಡ ಅವರನ್ನು ರಕ್ಷಿಸಲು ಮುಂದಾದಾಗ, ನಾಯಿ ಅವರ ಕೈಗೂ ಕಚ್ಚಿಕೊಂಡಿತ್ತು.
ಘಟನೆ ಹಿನ್ನಲೆ ಗುಬ್ಬಿ ಕೋರ್ಟ್ ಆವರಣದಲ್ಲಿ ಬಿಗುವಿನ ವಾತಾವರಣ ನಿರ್ಮಾಣವಾಗಿತ್ತು. ಬಳಿಕ ಅಲ್ಲೇ ಇದ್ದ ಕೆಲ ಸ್ಥಳೀಯರು ದಾಳಿ ಮಾಡಿದ ಬೀದಿನಾಯಿಯನ್ನು ಹತ್ಯೆ ಮಾಡಿದ್ದಾರೆ. ಗಂಗಾಭವಾನಿ ಅವರ ಕಣ್ಣಿನ ಭಾಗದಲ್ಲಿ ಗಂಭೀರ ಗಾಯವಾಗಿದ್ದರಿಂದ ಹೆಚ್ಚಿನ ಚಿಕಿತ್ಸೆಗಾಗಿ ತುಮಕೂರು ಜಿಲ್ಲಾಸ್ಪತ್ರೆಗೆ ರವಾನಿಸಲಾಗಿದೆ. ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಬೀದಿನಾಯಿಗಳ ಅಟ್ಟಾಹಾಸಕ್ಕೆ ಜನರಲ್ಲಿ ಆತಂಕ ಸೃಷ್ಟಿಯಾಗಿರುವುದು ಸುಳ್ಳಲ್ಲ.
