ರಿಪಬ್ಲಿಕ್ ಡೇ ಪ್ರಯುಕ್ತ IRCTC ಡುಬೈ ಟೂರ್ ಪ್ಯಾಕೇಜ್ ಘೋಷಣೆ

ಭಾರತೀಯ ರೈಲ್ವೆ ಕೇಟರಿಂಗ್ ಮತ್ತು ಪ್ರವಾಸೋದ್ಯಮ ನಿಗಮ (IRCTC) ರಿಪಬ್ಲಿಕ್ ಡೇ ಪ್ರಯುಕ್ತ ವಿಶೇಷ ಡುಬೈ ಪ್ರವಾಸ ಪ್ಯಾಕೇಜ್ ಅನ್ನು ಬಿಡುಗಡೆ ಮಾಡಿದೆ. ನಾಲ್ಕು ರಾತ್ರಿ–ಐದು ದಿನಗಳ ಈ ಪ್ರವಾಸ ಪ್ಯಾಕೇಜ್‌ನ್ನು ಪ್ರತಿ ವ್ಯಕ್ತಿಗೆ ಸುಮಾರು ರೂ. 94,730 ದರದಲ್ಲಿ ರೂಪಿಸಲಾಗಿದೆ.

ಇದನ್ನು ಓದಿ: ಚಿನ್ನ ಇದ್ದರೂ ಇನ್ಮುಂದೆ ಸುಲಭವಾಗಿ ಸಿಗಲ್ಲ ಗೋಲ್ಡ್ ಲೋನ್: RBI ಹೊಸ ನಿಯಮ..!

ಇದನ್ನು ಓದಿ: ಅಸಲಿ ಚಿನ್ನವನ್ನೇ ಮರುಳುಮಾಡುವ ಬಾಂಗ್ಲಾ ಫೇಕ್ ಗೋಲ್ಡ್! ನೀವು ಖರೀದಿಸುತ್ತಿರುವ ಚಿನ್ನ ನಿಜವಾಗಿಯೂ ಅಸಲೆಯೇ?

ಈ ಗುಂಪು ಪ್ರವಾಸ ಪ್ಯಾಕೇಜ್ ಮೂಲಕ ದೆಹಲಿ, ಮುಂಬೈ, ಬೆಂಗಳೂರು, ಅಹಮದಾಬಾದ್, ಜೈಪುರ ಮತ್ತು ಕೊಚ್ಚಿ ಸೇರಿದಂತೆ ವಿವಿಧ ನಗರಗಳಿಂದ ಪ್ರಯಾಣಿಕರು ಡುಬೈಗೆ ತೆರಳಬಹುದಾಗಿದೆ. ಒಂದೇ ಪ್ಯಾಕೇಜ್‌ನಲ್ಲಿ ದೇಶದ ವಿಭಿನ್ನ ಭಾಗಗಳ ಪ್ರವಾಸಿಗರನ್ನು ಒಟ್ಟಿಗೆ ಕರೆದುಕೊಂಡು ಹೋಗುವ ಉದ್ದೇಶವನ್ನು IRCTC ಹೊಂದಿದೆ.

ಈ ಪ್ಯಾಕೇಜ್‌ನಲ್ಲಿ ರಿಟರ್ನ್ ವಿಮಾನ ಟಿಕೆಟ್, ಮೂರು ನಕ್ಷತ್ರ ಹೋಟೆಲ್ ವಾಸ್ತವ್ಯ, ವೀಸಾ ಶುಲ್ಕ, ಊಟ, ಎಸಿ ಬಸ್‌ನಲ್ಲಿ ಸೈಟ್‌ಸೀಯಿಂಗ್, ಡೆಸರ್ಟ್ ಸಫಾರಿ ಹಾಗೂ ಟ್ರಾವೆಲ್ ಇನ್ಸೂರೆನ್ಸ್ ಸೇರಿವೆ. ಪ್ರವಾಸದಲ್ಲಿ ಬುರ್ಜ್ ಖಲೀಫಾ, ಪಾಮ್ ಜುಮೈರಾ, ಮಿರಾಕಲ್ ಗಾರ್ಡನ್, ಬುರ್ಜ್ ಅಲ್ ಅರಬ್, ಗೋಲ್ಡ್ ಮತ್ತು ಸ್ಪೈಸ್ ಸೂಕ್‌ಗಳು ಸೇರಿದಂತೆ ಪ್ರಮುಖ ಆಕರ್ಷಣೆಗಳ ವೀಕ್ಷಣೆ ನಡೆಯಲಿದೆ.

ಇದರ ಜೊತೆಗೆ, ಅಬುಧಾಬಿ ಪ್ರವಾಸ ಮತ್ತು ಅಲ್ಲಿನ ಶೇಖ್ ಝಾಯೆದ್ ಮಸೀದಿ ಭೇಟಿ ಕೂಡ ಪ್ಯಾಕೇಜ್‌ನಲ್ಲಿ ಒಳಗೊಂಡಿದೆ. ಶಾಪಿಂಗ್‌ಗೆ ವಿಶೇಷ ಸಮಯವನ್ನೂ ನೀಡಲಾಗಿದೆ ಎಂದು IRCTC ತಿಳಿಸಿದೆ.

ಈ ವಿಶೇಷ ಡುಬೈ ಪ್ರವಾಸ ಪ್ಯಾಕೇಜ್‌ಗಾಗಿ ಬುಕಿಂಗ್‌ಗಳು ಸೀಮಿತ ಅವಧಿಗೆ ಮಾತ್ರ ಲಭ್ಯವಿದ್ದು, ಆಸಕ್ತರು IRCTC ಅಧಿಕೃತ ವೆಬ್‌ಸೈಟ್ ಮೂಲಕ ಕಾಯ್ದಿರಿಸಬಹುದು ಎಂದು ತಿಳಿಸಲಾಗಿದೆ.