ಕೋಟೆ ಪೊಲೀಸ್ ಠಾಣೆ ವ್ಯಾಪ್ತಿಯ ವಿದ್ಯಾನಗರದ ಚಾನಲ್ ಏರಿ ರಸ್ತೆಯ ಮನೆಯಲ್ಲಿ ಐವರ ದರೋಡೆಕೋರರ ಗುಂಪು ನುಗ್ಗಿ ಚಿನ್ನಾಭರಣ ಹಾಗೂ ನಗದು ಕಸಿದುಕೊಂಡ ಘಟನೆ ಸೆ.17ರ ಬುಧವಾರ ರಾತ್ರಿ ನಡೆದಿದೆ. ಚಡ್ಡಿ, ಸೊಂಟಕ್ಕೆ ಟವಲ್ ಹಾಕಿಕೊಂಡು ಬಂದಿದ್ದರಿಂದ, ‘ಚಡ್ಡಿ ಗ್ಯಾಂಗ್’ ಮತ್ತೆ ಸಕ್ರಿಯವಾಗಿದೆಯೇ ಎಂಬ ಶಂಕೆ ಮೂಡಿದೆ.
ಚಾನಲ್ ರಸ್ತೆಯ ಜಾನ್ ಅವರ ಮನೆಯನ್ನು ಐವರು ಕಳ್ಳರ ತಂಡ ಗುರಿಯಾಗಿಸಿದ್ದು, ಕಿಟಕಿಯ ಸರಳು ಒಡೆದು ಒಳನುಗ್ಗಿದ್ದಾರೆ. ಕಳ್ಳರು ಕೇವಲ ಒಂದು ಕೋಣೆಯಲ್ಲಿ ಮಾತ್ರ ತಲಾಶಿ ನಡೆಸಿದ್ದು, ಜಾನ್ ಕುಟುಂಬ ಮಲಗಿದ್ದ ಇನ್ನೊಂದು ಕೋಣೆಯನ್ನು ಅವರು ಪ್ರವೇಶಿಸಿಲ್ಲ.
ಸೆಪ್ಟೆಂಬರ್ 17ರ ಬುಧವಾರ ರಾತ್ರಿ ಸುಮಾರು 2.25ರಿಂದ 3.48ರೊಳಗಿನ ಅವಧಿಯಲ್ಲಿ ಚಡ್ಡಿ ಗ್ಯಾಂಗ್ ಜಾನ್ ಮನೆಯ ಕೋಣೆಯಲ್ಲಿ ಶೋಧ ನಡೆಸಿದ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಬೆಳಿಗ್ಗೆ ಎದ್ದ ನಂತರ ಜಾನ್ ಕುಟುಂಬಕ್ಕೆ ಮನೆಯಲ್ಲಿ ಕಳ್ಳತನ ನಡೆದಿರುವುದು ಪತ್ತೆಯಾಯಿತು.
ನಗದು ಮತ್ತು ಬಂಗಾರ ಕಳುವಾದ ಕುರಿತು ಜಾನ್ ತಕ್ಷಣವೇ ಪೊಲೀಸರಿಗೆ ದೂರು ನೀಡಿದ್ದಾರೆ. ಕೋಟೆ ಠಾಣೆಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ದರೋಡೆಕೋರರ ಪತ್ತೆಗೆ ತನಿಖೆ ಪ್ರಾರಂಭಿಸಿದ್ದಾರೆ.
ಅದೃಷ್ಟವಶಾತ್ ಜಾನ್ ಕುಟುಂಬ ಪಾರಾಗಿದೆ. ಚಡ್ಡಿ ಗ್ಯಾಂಗ್ ಮನೆ ಪ್ರವೇಶಿಸಿರುವುದು ಗೊತ್ತಾದರೆ ಮನೆಯವರು ಪ್ರತಿರೋಧ ತೋರಲು ಯತ್ನಿಸುವ ಸಾಧ್ಯತೆ ಇತ್ತು. ಅಂಥ ಸಂದರ್ಭದಲ್ಲಿ ಅವರ ಜೀವಕ್ಕೆ ಅಪಾಯ ಎದುರಾಗಬಹುದಿತ್ತು. ಆದರೆ ಕಳ್ಳರು ಮನೆಯಲ್ಲೇ ಚಲನವಲನ ನಡೆಸುತ್ತಿದ್ದಾಗ ಕುಟುಂಬವು ಆಳ ನಿದ್ದೆಯಲ್ಲಿದ್ದರಿಂದ ಯಾವುದೇ ಅನಾಹುತವಾಗಲಿಲ್ಲ. ಕಳ್ಳರೂ ಸಹ ಮಲಗಿದ್ದ ಕೋಣೆಗೆ ನುಗ್ಗದೇ ಮುಂಭಾಗದ ಬಾಗಿಲಿನಿಂದಲೇ ಹೊರಟಿದ್ದಾರೆ.
ರಾತ್ರಿ ಸುಮಾರು 2.25 ರಿಂದ 3.48ರ ವರೆಗೆ ಚಡ್ಡಿ ಗ್ಯಾಂಗ್ ಜಾನ್ ಮನೆಯಲ್ಲಿ ಶೋಧ ನಡೆಸಿದ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸ್ಪಷ್ಟವಾಗಿ ದಾಖಲಾಗಿದೆ. ಬೆಳಗ್ಗೆ ಎದ್ದಾಗ ಮಾತ್ರ ಜಾನ್ ಕುಟುಂಬಕ್ಕೆ ಕಳ್ಳತನದ ಸಂಗತಿ ಗೊತ್ತಾಗಿದೆ.
ನಗದು ಹಾಗೂ ಬಂಗಾರ ಕಳುವಾದ ಕುರಿತು ಜಾನ್ ತಕ್ಷಣವೇ ಪೊಲೀಸರಿಗೆ ದೂರು ನೀಡಿದ್ದಾರೆ.ಪ್ರಕರಣವನ್ನು ಕೋಟೆ ಠಾಣೆ ಪೊಲೀಸರು ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.
