ತಾತಗುಣಿಯ ಶಿವಶಕ್ತಿ ಜ್ಯುವೆಲ್ಲರ್ಸ್ ಮಳಿಗೆಯಲ್ಲಿ ಭಗವಾನ್ ರಾಮ್ ಅವರ ಅಂಗಡಿಯಿಂದ ಎರಡು ಚಿನ್ನದ ನೆಕ್ಲೇಸ್ಗಳನ್ನು ಕಳ್ಳರು ಕದಿದ ಘಟನೆ ನಡೆದಿದೆ. ಪ್ರಕರಣವು ಗ್ರಾಹಕರ ಸೋಗಿನಿಂದ ಪ್ರಯೋಜನ ಪಡೆದ ದುಷ್ಕೃತ್ಯಕರಿಂದ ನಡೆಯಿತು. ಮಳಿಗೆ ಮಾಲೀಕನ ಗಮನವನ್ನು ಬೇರೆಡೆಗೆ ಸೆಳೆಯುವ ಮೂಲಕ ಈ ಕಳ್ಳತನವನ್ನು ನಡೆಸಿದವರ ವಿರುದ್ಧ ಕಗ್ಗಲೀಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಭಗವಾನ್ ಅವರು ಮಳಿಗೆಯಲ್ಲಿ ಇದ್ದಾಗ, ಬೆಳಿಗ್ಗೆ 11ರ ಸುಮಾರಿಗೆ ಒಬ್ಬ ವ್ಯಕ್ತಿ ಬಂದಿದ್ದನು ಮತ್ತು ಎರಡು ಬೆಳ್ಳಿ ಕಾಯಿನ್ಗಳನ್ನು ಕೇಳಿದ್ದನು. ಭಗವಾನ್ ಅವರು ತೋರಿಸಿದ 5 ಗ್ರಾಂ ಬೆಳ್ಳಿ ಕಾಯಿನ್ವನ್ನು ₹700 ಪಾವತಿಸಿ ಆ ವ್ಯಕ್ತಿ ಖರೀದಿಸಿಕೊಂಡು ಹೋದನು. ಅದಾದ ಕೆಲವು ಹೊತ್ತಿನಲ್ಲಿ, ಮಳಿಗೆಗೆ ಟೋಪಿ ಧರಿಸಿದ್ದ ಮತ್ತೊಬ್ಬ ವ್ಯಕ್ತಿ ಬಂದಿದ್ದು, ದೇವರಿಗೆ ಅರ್ಪಿಸಲು 2 ಚಿನ್ನದ ನಾಣ್ಯಗಳು ಬೇಕು ಎಂದು ಕೇಳಿದ.
ಆಗ ಭಗವಾನ್ ಅವರು ತೋರಿಸಿದ ನಾಣ್ಯಗಳನ್ನು ನೋಡಿ ವಾಪಸ್ಸು ಕೊಟ್ಟ. ನಂತರ, ಗಾಜಿನ ಒಳಭಾಗದಲ್ಲಿ ಇರಿಸಿದ್ದ ಎರಡು ನೆಕ್ಲೇಸ್ಗಳನ್ನು ತೋರಿಸುವಂತೆ ಕೇಳಿದ. ನೆಕ್ಲೇಸ್ ನೋಡಲು ಆತ ಒಳಭಾಗಕ್ಕೆ ಬರಲು ಯತ್ನಿಸಿದಾಗ ಭಗವಾನ್ ತಡೆದರು. ಆಗ ಆತ, ಮುಂಗಡವಾಗಿ ₹2 ಸಾವಿರ ಕೊಟ್ಟಾಗ, ಭಗವಾನ್ ನೆಕ್ಲೇಸ್ಗಳಿದ್ದ ಬಾಕ್ಸ್ಗಳನ್ನು ಹೊರತೆಗೆದು ತೋರಿಸಿದರು.
ಭಗವಾನ್ ಅವರ ವಿಶ್ವಾಸ ಗಳಿಸಿದ ವ್ಯಕ್ತಿ, ನೆಕ್ಲೇಸ್ ಖರೀದಿಸಲು ಸ್ವಾಮೀಜಿಯನ್ನು ಕರೆದುಕೊಂಡು ಬರುವೆ ಎಂದು ಹೇಳಿ ಭಗವಾನ್ ಗಮನವನ್ನು ಬೇರೆಡೆಗೆ ಸೆಳೆದು ಸುಮಾರು 45 ಗ್ರಾಂನ ಎರಡು ನೆಕ್ಲೇಸ್ ಬಾಕ್ಸ್ಗಳನ್ನು ತೆಗೆದುಕೊಂಡು ಹೋಗಿದ್ದಾನೆ. ಆತ ಹೋದ ಬಳಿಕ ನೆಕ್ಲೇಸ್ಗಳು ಇಲ್ಲದಿರುವುದು ಭಗವಾನ್ ಅವರಿಗೆ ಗೊತ್ತಾಗಿದೆ.
ಸಿಸಿಟಿವಿ ಕ್ಯಾಮೆರಾವನ್ನು ಪರಿಶೀಲಿಸಿದಾಗ, ಬೆಳ್ಳಿ ನಾಣ್ಯ ಖರೀದಿಸಿದ ಹಾಗೂ ಚಿನ್ನದ ನಾಣ್ಯ ಕೇಳಿದ ವ್ಯಕ್ತಿಗಳಿಬ್ಬರೂ ಒಂದೇ ಗುಂಪಿನವರಾಗಿರುವುದು ಗೊತ್ತಾಗಿದೆ. ನೆಕ್ಲೇಸ್ ಕದ್ದ ಬಳಿಕ, ಇಬ್ಬರೂ ಸ್ಕೂಟರ್ನಲ್ಲಿ ಹೋಗುವುದು ಗೊತ್ತಾಗಿದೆ. ಭಗವಾನ್ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡು, ಆರೋಪಿಗಳ ಪತ್ತೆಗೆ ಕ್ರಮ ಕೈಗೊಳ್ಳಲಾಗಿದೆ ಎಂದು ಕಗ್ಗಲಿಪುರ ಠಾಣೆ ಪೊಲೀಸರು ತಿಳಿಸಿದರು.
